अर्थतन्त्र

शेयरबजार बढ्ने क्रमसँगै काराेबार पनि उच्च

• गाउँ सहर संवाददाता
• २० जेठ बिहीबार, २०७८ | १५:५६:०० मा प्रकाशित

काठमाडौं । शेयरबजार बिहीबार बढेकाे छ । यसदिन कारोबारको समयसम्म नेप्से हालसम्मकै उच्च अंक २८७५.६३ अंकसम्म पुगेको थियो ।

यस दिन कारोबार रकम पनि झण्डै १७ अर्ब नजिक पुगेको छ । बिहीबार २१८ वटा कम्पनीको ३ करोड ४६ लाख ९१ हजार ३१२ कित्ता शेयर १६ अर्ब ९० करोड ७० लाख २० हजार २८६ रुपैयाँमा खरिदबिक्री भएको छ ।

बिहीबार कारोबारमा आएका कम्पनीहरुमध्ये ४ कम्पनीको शेयर सकारात्मक सर्किट लेभलमा कारोबार भएको छ । यस दिन मञ्जुश्री फाइनान्स र महिला लघुवित्तको शेयरमूल्य सबैभन्दा धेरै १० प्रतिशतले बढेको छ भने गोर्खाज फाइनान्स र ग्रीन डेभलपमेन्ट बैंकको पनि ९ प्रतिशतभन्दा बढिले बढेको छ ।

पञ्चकन्या माइ हाइड्रोपावर, राधी विद्युत, बरुण हाइड्रो र घलेम्दी हाइड्रोको शेयरमूल्य घटेको छ ।

यस दिनको बजारमा नेपाल पुनर्बिमा कम्पनीको सर्वाधिक शेयर कारोबार भएको छ । कम्पनीको १ अर्ब २ करोड ७० लाख रुपैयाँको शेयर खरीद बिक्री भएको हो ।