शिक्षा

त्रिविकाे सूचना अव्यवहारिक भन्दै नेविसंघद्वारा तीनबुँदे ध्यानाकर्षण

काठमाडाैं । नेपाल विद्यार्थी संघ (नेविसंघ) द्वारा त्रिभुवन विश्वविद्यालयलाई तीनबुँदे ध्यानाकर्षण गराएकाे छ । 

स्नात्तक तह प्रथम वर्षकाे परीक्षा फर्म अनलाइनमार्फत भर्ने कुरा स्वागत याेग्य भएपनि बैंक तथा वित्तिय संस्था पूर्णरूपमा खुला नरहेकाे तथा असर १ देखि नै दाेब्बर दस्तुर लाग्ने र ताेकिएकाे समयसीमा अव्यवहारिक भएकाे भन्दै सच्चयाउन अध्यक्ष राजिज ढुङ्गानाले विज्ञप्तिमार्फत माग गरेका छन् ।

काेराेना महामारीको संकटले उब्जाएको मानसिक तनाव र परीक्षाको चिन्ताले ठूलो समस्यामा रहेका विद्यार्थीहरुमाथि त्रिभुवन विश्वविद्यालयको अव्यवहारिक निर्णयमा पीडा थप्ने नियत देखिएको छ । संकटको समयमा परीक्षा जस्तो संवेदनशील बिषयमा  जिम्मेवार र गम्भीर बन्न, परीक्षा फाराम भर्ने तालिका र विधिमासमेत आवश्यक परिमार्जन गरि यस विषम परिस्थिति अनुसार ब्यवहारिक र विद्यार्थीहरुलाई सहज बनाउन महामन्त्री बलदेव तिमल्सिनाले माग गरेका छन् ।

महामन्त्री तिमल्सिनाले याे समयमा पनि दोब्बर दस्तुर उठाउनु विद्यार्थी माथीको गम्भीर शोषण भन्दै महामारीमा असुली होइन नि:शुल्क फाराम भराउने ब्यबस्थाका निम्ति त्रिभुवन विश्वविद्यालय लगायत सबै विश्वविद्यालयको ध्यानाकर्षण गराएका छन् ।  

गाउँ सहर संवाददाता