गाउँ सहर

प्रेस युनियनकाे स्थापना दिवसमा विजय नेपालीलाई कास्कीको उत्कृट सदस्य अवार्ड

• गाउँ सहर संवाददाता
• १३ जेठ बिहीबार, २०७८ | १३:०३:०० मा प्रकाशित

पोखरा । नेपाल प्रेस युनियनको ३० औं स्थापना दिवसमा नेपाल प्रेस यूनियन कास्कीले शुभकामना व्यक्त गरेको छ भने उत्कृष्ट सदस्य अवार्ड -२०७७ कार्यसमिति सदस्य विजय नेपालीलाई प्रदान गर्ने भएको छ ।

नेपाल प्रेस युनियन कास्कीका अध्यक्ष नवीन सिग्देलले विज्ञप्ति प्रकाशित गरी शान्ति, लोकतन्त्र, प्रेस स्वतन्त्रता, सूचनाको हकप्रति सदैवप्रतिवद्व रहदै आम श्रमजीवीको पेशागत अधिकार सुनिश्चितताका लागि युनियन कटिवद्व रहेको जनाएका छन् ।

श्रमजीवी पत्रकारहरुको हकहित संरक्षणमा स्थापनाकालदेखि नै यूनियनले भूमिका निर्वाह गर्दै आएको उल्लेख गर्दै हालसम्म युनियनको विकास र विस्तारमा योगदान पु¥याउने सबैप्रति सम्मान व्यक्त गरिएको छ ।

कोराना महामारीका कारण सृजना भएको असहज अवस्थामा पनि जनतालाई सुसूचित गर्ने अभियानमा उच्च मनोबलका साथ पत्रकारहरुले निर्वाह गरेको भूमिकाको सम्मान गर्दछौ, विज्ञप्तिमा भनिएको छ ।

नेपाल प्रेस युनियन कास्कीले उत्कृष्ट सदस्य अवार्ड -२०७७ कार्यसमिति सदस्य विजय नेपालीलाई प्रदान गर्ने भएको छ । नेपाल प्रेस युनियनको स्थापना दिवसमा प्रदान गरिने यो अवार्ड कास्कीले गतवर्ष देखि शुरु गरेको हो । अवार्डको राशी नगद पाँच हजारसहित दोसल्ला र प्रशंसापत्र रहेको छ । उनी हाल ढोरपाटन दैनिक र समाचारपत्रमा कार्यरत छन् ।

कोरोना महामारीका कारण अवार्ड हस्तान्तरण कार्यक्रम भने पछि उपयुक्त समयमा गरिने सचिव प्रदिप पौडेलले जानकारी दिए ।