गाउँ सहर

दुई विद्यार्थी संगठनद्वारा प्रतिनिधिसभा विघटनबिरूद्ध आन्दोलनका कार्यक्रम सार्वजनिक

काठमाडौं । नेकपा (माओवादी केन्द्र) र नेकपा (एमाले)को माधव नेपाल निकट विद्यार्थी संगठन संसद विघटनविरुद्ध आन्दोलनका कार्यक्रम घाेषणा गरेका छन् । 

शनिबार माओदी केन्द्र निकट अनेरास्ववियू (क्रान्तिकारी) अध्यक्ष रजित तामाङ र नेपाल निकट विद्यार्थी संगन अनेरास्ववियूका अध्यक्ष सुदेश पराजुलीले शनिबार संयुक्त विज्ञप्ति जारी गर्दै आन्दोलनका कार्यक्रम घोषणा गरेका हुन् ।

विरोधका कार्यक्रममा प्रधानमन्त्री र राष्ट्रपतिको पुत्ला बनाई सार्वजानिक स्थानमा झण्डाउने, पुत्लालाई उल्टो बनाई बिरोध गर्ने, सरकारका मन्त्रीलाई कालो झण्डा देखाउने, सार्वजानिक बहिष्कार गर्ने र मन्त्रीका गाडी चल्न नदिने लगायत छन् ।

उनीहरुले कोरोना महामारी र निषेधाज्ञाकाबीच स्वास्थ्य सतर्क अपनाउदै विरोधका कार्यक्रम गर्ने बताएका छन् ।

गाउँ सहर संवाददाता