नेपाली कांग्रेस काठमाडाैं-राकाथुम सम्पर्क समितिद्वारा स्वास्थ्य सामाग्री सहयाेग
- गाउँ सहर संवाददाता
- ६ जेठ बिहीबार, २०७८ | २१:४७:०० मा प्रकाशित
रामेछाप, खाँडादेवी । नेपाली कांग्रेस काठमाडाैं-राकाथुम सम्पर्क समितिले खाँडादेवी गाउँपालिका-१, राकाथुमस्थित स्वास्थ्य चाैकीलालाई विभिन्न स्वास्थ्य सामाग्री सहयाेग गरेकाे छ ।
काेभिड-१९ महामारी संक्रमणबाट बच्न सहयाेग पुगाेस् भनेर सम्पर्क समितिले ९५ लिटर सेनिटाइजर, ९ हजार मास्क, स्वास्थ्यकर्मीका लागि ६ थान पीपीई, फेस सिल्ड ४० थान तथा साबुनलगायत स्वास्थ्य सामाग्री सहयाेग स्वास्थ्य चाैकीलाई उपलब्ध गराइएकाे नेविसंघका नेता चन्द्र थापामगरले बताए ।
सम्पर्क समितिका सभापति बालगोपाल श्रेष्ठको संयोजकत्व तथा नेपाली कांग्रेस क्षेत्रीय सदस्य विष्णु कुमार घिसिङको उपस्थितमा उक्त स्वास्थ्य सामाग्री स्वास्थ्य शाखा प्रमुख पुरन शाहालाई हस्तान्तरण गरिएकाे थापामगरले बताए ।
रामेछाप-काभ्रेकाे सीमानास्थित खैरेनीघाटमा स्थापना गरिएकाे सशस्त्र प्रहरीकाे अस्थायी पाेष्टमा कार्यरत सुरक्षाकर्मीलाई पनि स्वास्थ्य सामाग्री उपलब्ध गराइएकाे उनले बताए ।
‘कोरोना भाइरसको संक्रमणलाई रोक्न स्थानीय निकायलाई अप्ठ्यारो परिरहेका बेला अत्यावश्यक स्वास्थ्य सामग्री सहयोग गरिएको हो । गाउँमा अहिले हरेक दिन संक्रमितको संख्या बढिरहेको छ । व्यवस्थापन गर्न चुनौती थपिरहेको छ । स्थानीय निकायको स्रोत साधानले मात्र कोरोना नियन्त्रण सम्भव छैन । यसका लागि सबैले आ-आफ्नो क्षेत्रबाट सहयोग गर्नुपर्छ । हामी आगामी दिनमा सक्दो सहयोग गर्ने प्रयास गछौं’ थापामगरले भने ।
नेपाली कांग्रेस काठमाडाैं-राकाथुम सम्पर्क समितिले विभिन्न समयमा सामाजिक सेवामा सहयाेग गर्दै आइरहेकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस