गाउँ सहर

नेपालले काेराेनाबाट मृत्यु हुनेकाे संख्यामा चीनलाई उछिन्याे, कति छन् चीनमा हाल संक्रमित ?

काठमाडाैं । काेराेनाभाइरसका कारण मृत्यु हुनेकाे संख्यामा नेपालले चीनलाई उछिनेकाे छ ।   

कोरोनाभाइरस महामारीबाट नेपालमा हालसम्म मृत्यु हुनेहरूको सङ्ख्या ५ हजार १ पुगेकाे छ । जबकी चीनमा ४ हजार ६ सय ३६ जना छन् । 

स्वास्थ्य मन्त्रालयको पछिल्लो तथ्याङ्क अनुसार नेपालमा हालसम्म काेराेना संक्रमितकाे संख्या ४ लाख ५५ हजार २० जना पुगेकाे छ । चीनमा ९० हजार ८ सय ४७ जनामात्रै छन् ।

त्यसैगरि नेपालमा हाल एक लाख १० हजार २६३ जना सक्रिय संक्रमित छन् भने चीनमा जम्मा २ सय ९१ जना मात्रै छन् । 

नेपालमा भने प्रति एक लाखमा १५.९ को मृत्यु भएको छ जुन हाल एशियामै सर्वाधिक सङ्ख्या मध्येमा पर्छ ।

वर्ल्डोमिटर्स डट इन्फोकका अनुसार विश्वभरका संक्रमित देशहरूमध्ये नेपाल ४३औँ छ भने चीन ९७औँ नम्बरमा छ ।

जब की चीनको जनसङ्ख्या १ अर्ब ४४ करोड भन्दा बढी छ भने नेपालको जनसङ्ख्या ३ करोडको हाराहारीमा छ । भौगोलिक र जनसङ्ख्याका हिसाबले ठूलो राष्ट्र चीनमा पुष्टि भएका सङ्क्रमणका घटना नेपालमा भन्दा कम देखिन्छ।

सन् २०१९ को डिसेम्बर महिनामा चीनको वुहान सहरमा निमोनियाका क्लस्टर केसहरू फेला परेका थिए जसलाई पछि गएर कोरोनाभाइरसका रूपमा पहिचान गरिएको थियो ।

सन् २०२०को ज्यानुअरी महिनामा कोरोनाभाइरस सङ्क्रमण विभिन्न देशहरूमा फैलिन सुरु भएको थियो ।

महामारी खेपिरहेकाे नेपालले कसरी चीनले महामारी राेक्न सफल भइरहेछ भन्ने अनुभवबाट लिएर सिक्नुपर्ने देखिन्छ ।

 

गाउँ सहर संवाददाता

तपाईँको मत