गाउँ सहर

वाग्मती प्रदेशका प्रदेशसभा सदस्य पशुपति चौलागाईँको कोरोना संक्रमणबाट मृत्यु

• गाउँ सहर संवाददाता
• २९ बैशाख बुधबार, २०७८ | ०७:४३:०० मा प्रकाशित

काठमाडाैं । वाग्मती प्रदेशका प्रदेशसभा सदस्य पशुपति चौलागाईँको कोरोना संक्रमणबाट मृत्यु गएको छ ।

नेकपा एमालेका नेतासमेत रहेका प्रदेशसभा सदस्य चौलागाईँको कोरोना संक्रमणबाट मृत्यु गएको एमालेका प्रवक्ता एवम् परराष्ट्रमन्त्री प्रदिपकुमार ज्ञवालीले पुष्टि गरे । चौलागाईँको मनमोहन मेमोरियल अस्पतालमा उपचारका क्रममा ज्यान गएको एमालेका प्रवक्रा ज्ञवालीले बताए ।

उनी गएको चुनावमा दोलखा क्षेत्र नम्बर ख बाट वाग्मती प्रदेशसभा सदस्यमा निर्वाचित भएका थिए । विद्यार्थी उमेरदेखि नै राजनीतिमा लागेका चौलागाईँ अनेरास्ववियुको वाग्मती संयोजकसहित केन्द्रीय सदस्य, नेकपा एमाले दोलखाको पार्टी सचिव (प्रमुख), एमाले वाग्मती अञ्चल सदस्य, सह–इन्चार्ज, इन्चार्ज बनेका थिए ।