स्वास्थ्य

कोरोनाबाट हालसम्मकै उच्च मृत्य, पछिल्लो २४ घण्टामा ५५ जनाले ज्यान गुमाए

• गाउँ सहर संवाददाता
• २१ बैशाख मंगलबार, २०७८ | १७:१७:०० मा प्रकाशित

काठमाडौँ । कोरोनाभाइरसका कारण नेपालमा पछिल्लो २४ घण्टामा ५५ जनाको मृत्यु भएको छ । योसहित कुल मृतकको संख्या ३ हजार ४१७ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसिआर जाँचबाट ७ हजार ५८७ नयाँ संक्रमित थपिएका छन । योसहित कुल संक्रमितको संख्या ३ लाख ५१ हजार ५ पुगेको छ । 

पछिल्लो २४ घण्टामा १ हजार ७७५ जना निको भएका छन् । योसहित कुल डिस्चार्ज हुनेको संख्या २ लाख ८७ हजार ७९० पुगेको छ । 

मन्त्रालयका अनुसार अहिले देशभरमा ५९ हजार ७८९ सक्रिय संक्रमित रहेका छन् । आज २५३ जना क्वारेन्टाइनमा रहेको उसले बताएको छ ।

मन्त्रालयका अनुसार आजसम्म २५ लाख ३७ हजार २९५ जनाको पिसिआर टेस्ट भइसकेको छ ।