दिगोविकास

सिटिजन लाइफ इन्स्याेरेन्सद्वारा दुई दिनमा दुईवटा बीमा दाबी रकम भुक्तानी

बिर्तामाेड, झापा । सिटिजन लाइफ इन्स्याेरेन्स कम्पनी बिर्तामाेड शाखाले दुई दिनमा दुईवटा बीमा दाबी रकम भुक्तानी गरेकाे छ । 

कम्पनीले पहिलाे दाबी भुक्तानीकाे लागि बीमितकी श्रीमती सुनिता मुरारकालाई जीवन बीमावापत रू २० लाख, बाेनस रू एक लाख २० हजार र काज किरिया खर्चवापत रू. ५० हजारसहित एकमुष्ठ २१ लाख ७० हजार बराबरकाे चेक हस्तान्तरण गरेकाे छ । 

बीमित उद्याेगी सुभास कुमार मुरारकाकाे पाेष्ट काेभिड निमाेनियाका कारण निधन भएकाे थियाे । मुरारकाकाे बीमा वापतकाे रकमकाे चेक बिर्तामाेड एरिया ब्राञ्च मेनेजर उत्तम काेइराला, व्यवसाय विकास संयाेजक जमुना कटुवाल, एजेन्सी मेजनेर भुवन सेडाइ, एजेन्सी मेनेजर चण्डीप्रसाद ढकाल र मुकुन्द कुमारी ढकालले मृतक मुरारकाकाे घरमै पुगेर छाेरा तथा श्रीमतीलाई संयुक्त रूपमा हस्तान्तरण गरेका हुन् । 

मेचीनगर-१०, धुलाबारी निवासी मुरारकाले बीमा वापतकाे दुई वर्षकाे प्रिमियम मात्र बुझाएका थिए ।  

त्यसैगरि, अर्काे बीमा दाबी भुक्तानी ऋणी बीमा वापतकाे पाँच लाख १० हजार बराबरकाे चेक शिक्षा साकाेसका सचिव दिपेश धाैरालीलाई साकाेसकाे कार्यालयमै पुगेर हस्तान्तरण गरिएकाे छ । 

बीमित धर्मेन्द्र राजवंशीले शिक्षा साकाेसबाट ऋण लिएवापत ऋण रकमकाे बीमा बराबरकाे चेक भुक्तानी गरेकाे हाे ।

राजवंशीकाे क्यान्सर राेगका कारण मृत्यु भएकाे थियाे । 

बीमितहरूकाे बीमा दाबी रकम छिट्टाे, छरिताे तथा झण्झटरहित प्रक्रियाले गरेकाे कम्पनीका एरिया ब्राञ्च मेनेजर उत्तम काेइरालाले बताए ।

स्मरण रहाेस् सिटिजन लाइफ इन्स्याेरेन्सले चाँडै नै ७५ कराेड बराबरकाे आइपिओ जारी गर्न लागेकाे छ । कम्पनीले मुलुकभरका १२५ शाखामार्फत सेवा प्रदान गर्दै आएकाे छ ।

गाउँ सहर संवाददाता

तपाईँको मत