पोखराका पर्यटन व्यवसायीले गरे ध्यान योग
- गाउँ सहर संवाददाता
- ५ बैशाख आइतबार, २०७८ | २१:१३:०० मा प्रकाशित
पोखरा । कोरोनाको त्रास जारी रहेका बेला फेरि लकडाउन हुने पो हो कि भनेर पिरोलिएका पर्यटन व्यवसायीहरुले तनावबाट मुक्त हुने आसमा ध्यान योग गरेका छन् । कोरोनाका कारण नेपालको पर्यटन क्षेत्रमा परेको असरले पोखराका पर्यटन व्यवसायीहरुलाई तनाव बढेपछि ताजगी दिलाउनका लागि पोखरा ध्यान योग कार्यक्रम सम्पन्न भएको हो ।
पोखरा पर्यटन परिषद् तथा योगशालाको आयोजनामा कोभिडका कारण पर्यटन व्यवसायीमा पर्न गएको तनाव व्यवस्थापनका लागि बेगनास शिवालय योग रिसोर्टमा शनिबार आयोजित उक्त योग शिविरमा सहभागीहरुले ध्यान, योग निन्द्रा, हठ योग, ध्यान तथा उत्सव गरे । योग प्रशिक्षक स्वामी ध्यान सागर ( सुनिल श्रेष्ठ)ले कार्यक्रममा सहजीकरण गरेका थिए ।
तीन घण्टाको सो कार्यक्रममा पोखरा पर्यटन परिषद्मा अवद्ध विभिन्न पर्यटन सम्बद्ध संघसंस्थाहरुका ३० सहभागीहरुले भाग लिए । सामाजिक दुरी कायम गर्दैै गरिएको सो शिविरमा सहभागीहरुले यस्ता कार्यक्रमहरुलाई निरन्तरता दिन सकिए विभिन्न प्रकारका तनावबाट मुक्त हुन सकिने प्रतिक्रिया दिए ।
आगामी दिनहरुमा पनि यस्ता कार्यक्रमलाई निरन्तरता दिनुपर्नेमा व्यवसायीहरुले जोड दिएका पोखरा पर्यटन परिषद्का अध्यक्ष गोपीबहादुर भट्टराईले बताए । पर्यटन यातायात व्यवसायी संघका अध्यक्ष बबरजंग गुरुङ्गले कार्यक्रको संयोजन गरेका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस