खेल

केन्याली धावकले  जिते यस वर्षको सफल पोखरा म्याराथनको उपाधी

• गाउँ सहर संवाददाता
• ५ फाल्गुण शनिबार, २०८० | १६:१२:०० मा प्रकाशित

पाेखरा । केन्याली धावक जुलियस मुरिला वाहोमले यस वर्षको  सफल पोखरा म्याराथनको उपाधी जितेका छन् ।

वाहोमले निर्धारित ४२.१९५ किलोमिटरको दूरी २ घण्टा १९ मिनेट ३६ सेकेन्डमा पूरा गर्दै उपाधी जितेका हुन् उनी अघिल्लो वर्षका उपविजेता हुन् ।

यस्तै, दोस्रो र तेस्रो उपाधि पनि केन्याकै इसाक किहारा कामिरी र इड्वीन किप्लागेटले जितेका छन् ।

कामिरीलले २ घण्टा २० मिनेट ५ सेकेन्डमा र किप्लागेटले २ घण्टा २० मिनेट ४५ सेकेन्डमा दूरी पूरा गरेका हुन् । चाैथाे स्थान नेपाली धावक किरण बोगटीले जितेका छन् ।