गाउँ सहर

भक्तपुरमा मोटरसाईकल दुर्घटना, दुईको मृ्त्यु

• गाउँ सहर संवाददाता
• ३ बैशाख शुक्रबार, २०७८ | १७:०२:०० मा प्रकाशित

काठमाडौं । भक्तपुरको घलाँतेमा आज बिहान करिब ११ बजेतिर मोटरसाइकल दुर्घटना हुँदा दुई जनाको घटनास्थलमै मृत्यु भएको छ ।

मृत्यु हुनेमा भोजपुर स्थायी घर भई हाल पुतलीसडक बस्ने १८ वर्षीय सुमन गिरी र बाँके घर भई हाल पुतलीसडक बस्ने अन्दाजी २२ वर्षीय सूर्य ओली रहेको प्रहरीले जनाएको छ ।

महानगरीय प्रहरी वृत्त जगातीका प्रमुख प्रहरी नायब उपरीक्षक राजेश थापाले जानकारी दिए अनुसार भक्तपुर नगरपालिका–१ स्थित घलाँतेमा काठमाडौंबाट सूर्यविनायकतर्फ आउँदै गरेको प्रदेश नं ३–०२–०११ प ८२५० नम्बरको मोटरसाईकल तीब्र गतिमा रहेको र सो मोटरसाइकल आफैं अनियन्त्रित भई डिभाइडरमा ठोक्किएर दुर्घटना भएको थियोे।