जीवनशैली

काे-कति खुसी ? हेर्नुहाेस् वर्ल्ड हेप्पीनेस रिपाेर्ट २०२१ यसाे भन्छ

• गाउँ सहर संवाददाता
• ९ चैत सोमबार, २०७७ | १९:४६:०० मा प्रकाशित

काठमाडौँ । खुसी हुने मानिस सुखी हुन्छ । यो भनाइ र भोगाइ विश्वमा देखिँदै आएको धेरै भइसक्यो । कोभिडको महामारीमा पनि वर्ल्ड हेप्पीनेस रिपोर्ट २०२१ सार्वजनिक भएको छ । यसपटक विश्वका १४९ देश सहभागी थिए ।

संयुक्त राष्ट्रसंघअन्तर्गतको निकायले तयार पारेको विश्व खुशीयाली प्रतिवेदन २०२१ शुक्रबार सार्वजनिक भएको छ । प्रतिवेदननुसार, संसारका सबैभन्दा बढी खुसी मुलुकमा फिनल्याण्ड, डेनमार्क, स्विट्जरल्याण्ड, आइसल्याण्ड र नेदरल्याण्ड रहेका छन् ।

सूचीमा रहेका अघिल्ला दश देशमध्ये न्युजिल्याण्ड बाहेक अरु सबै युरोपेली मुलुक रहेका छन् । न्युजिल्याड नवौँ क्रममा रहेको छ । सूचीमा अमेरिका १४ औँ क्रममा रहेको छ भने बेलायत १८ मा परेको छ । जर्मनीले भने पहिलाभन्दा धेरै सुधार गरेको देखिएको छ । यसअघि १७ औँ नम्बरमा रहेको जर्मनी यस पटक साताैँ क्रममा परेको छ ।

नेपाल सूचीमा ८७ औँ नम्बरमा छ भने अफगानिस्तान सबैभन्दा पुच्छार अर्थात १४९ नम्बरमा परेकाे छ । 

विश्व खुशीयाली प्रतिवेदन सन् २०१२ देखि हरेक वर्ष सार्वजनिक गर्ने गरिएको छ । प्रतिव्यक्ति आय, सामाजिक सहयोगको स्तर, आकांक्षा, रोजगारीको सुनिश्चितता, भ्रष्टाचारको अवस्थालगायतका धेरै पक्षलाई आधार बनाएर नागरिकको खुशीयाली मापन गर्ने गरिएको अध्ययनकर्ताहरुले जनाएका छन् ।

कसरी खुसी रहने ?

1. जीवनमा जे छ त्यसमै खुसी हुने,
2. सकारात्मक मानिससँग संगत गर्ने,
3. दयालु र विनम्र रहने,
4. घुमफिर गर्ने; फिल्म, थिएटर, डान्स जस्ता क्रियाकलापमा सहभागी हुने ।

हेर्नुहाेस् पूर्ण रिपाेर्ट