स्वास्थ्य

काठमडाैं आइपुग्याे ३ लाख ४८ हजार डोज कोरोनाविरूद्धकाे खोप 

• गाउँ सहर संवाददाता
• २३ फाल्गुण आइतबार, २०७७ | १३:२२:०० मा प्रकाशित

काठमाडौं । नेपालमा ३ लाख ४८ हजार डोज कोरोनाविरूद्धकाे खोप आइपुगेको छ ।

कोभ्याक्स सुविधाअन्तर्गत पहिलो चरण खाेप आइतबार टर्किस एयरलाइन्सको विमान बिहान त्रिभुवन अन्तर्राष्ट्रिय विमानस्थलमा अवतरण भएको हो । 

उक्त खोप भारतको सिरम इन्स्टिच्युटले उत्पादन गरेको कोभिसिल्ड नै हो । भारतले अनुदानमा दिएको १० लाख मात्रा कोभिसिल्ड खोप पनि अक्सफोर्ड अस्ट्राजेनेकाकै उत्पादन हो ।

सरकारले दोस्रो चरणको खोप अभियानका क्रममा आइतबारबाट ६५ वर्षमाथिका वृद्धवृद्धालाई मात्रै कोरोना भाइरसविरुद्धको खोप दिँदै छ । 

मन्त्रालयले दोस्रो प्राथमिकताको दोस्रो चरणमा ५५ वर्षमाथिका व्यक्तिहरूलाई खोप उपलब्धताका आधारमा क्रमशः खोप दिने व्यवस्था मिलाउने जनाएको छ । हिमाली जिल्लामा भने ५५ वर्षमाथिका सबैलाई खोप लगाउन सकिने मन्त्रालयले निर्णय गरेको छ ।