गाउँ सहर

सांसदहरुले लगाउँदैछन् आजदेखि कोराेना विरुद्धको खोप

• गाउँ सहर संवाददाता
• १९ फाल्गुण बुधबार, २०७७ | ०७:५५:०० मा प्रकाशित

काठमाडाैं । सांसदहरूले आजदेखि कोरोनाविरूद्ध खोप लगाउने भएकाे छ । 

प्रतिनिधि सभा बैठक आह्वान भएपछि उनीहरूलाई बुधबार कोरोनाविरूद्ध खोप दिन लागिएकाे हाे ।

स्वास्थ्य तथा जनसंख्या मन्त्रालय अन्तर्गत राष्ट्रिय स्वास्थ्य शिक्षा तथा सूचना तथा सञ्चार केन्द्रका अनुसार आजर बिहान १० बजेदेखि खोप लगाउन सुरू गरिन्छ ।

सिभिल अस्पताल नयाँ बानेश्वरबाट कोरोनाविरूद्ध उनीहरूलाई खोप दिने तयारी छ ।

सरकारको सिफारिसमा राष्ट्रपतिले फागुन २३ गते अपरान्ह ४ बजेका लागि प्रतिनिधि सभा बैठक आह्वान गरेकी छन्।

प्रतिनिधि सभा बैठक कक्षमा सामाजिक दूरी र मास्क अनिवार्य गरिएको छ।

सरकारले कोभिड–१९ विरुद्धको दोस्रो चरणाको पहिलो खोप संघीय संसदका सांसदहरुलाई दिइने भएको छ । २३ गतेदेखि ५५ वर्षमाथिका ज्येष्ठ नागरिकलाई खोप दिने तालिका भए पनि आजबाट सांसदहरुलाई खोप दिइने भएको हो ।

सरकारले पहिलो चरणमा स्वास्थ्यकर्मीलगायतलाई कोरोनाविरूद्ध खोप दिएको थियो। भारत सरकारले अनुदानमा १० लाख डोज खोप दिएको थियो ।