गाउँ सहर

नेपालको पहिलो चार्टड एकाउण्टेन्ट तथा बिमा संस्थाको संस्थापक शर्माकाे निधन

• गाउँ सहर संवाददाता
• १५ फाल्गुण शनिबार, २०७७ | १०:०४:०० मा प्रकाशित

सप्तरी । नेपालको पहिलो चार्टर्ड एकाउन्टेन्ट (सिए) तथा पूर्व पर्यटनमन्त्री कुबेरप्रसाद शर्माको ८१ वर्षको उमेरमा शुक्रबार साँझ निधन भएको छ ।

उपचारको क्रममा रहेका शर्माको हृदयघात भई काठमाडौंमा निधन भएको पारिवारिक श्रोतले जानकारी दिएको छ ।

सप्तरीको निर्वाचन क्षेत्र नम्बर ४ बाट २०४८ सालमा प्रतिनिधिसभा सदस्यमा निर्वाचित शर्माको पुख्र्यौली घर सप्तरीको राजगढ गाउँपालिकास्थित नर्घो टोल हो ।

राजविराज नगरपालिका–३ मा समेत घर रहेको उनी बानेश्वर हाइट, काठमाडौंमा बस्दै आएका थिए । सन् १९३७ जुन १९ मा सप्तरीको नर्घोमा जन्मेका शर्माका श्रीमती र तीन छोरी छन् ।

बिकम र एफ.सिए. गरेका शर्मा नेपालको पहिलो चार्टड एकाउण्टेन्ट र बिमा संस्थाको संस्थापक हुन । उनको आज शनिवार अन्तिम संस्कार गरिने परिवारजनले जनाएको छ ।