स्वास्थ्य

काेराेना अपडेटः  तीन जनाको मृत्यु, देशभर ६१ जना आईसियुमा १३को भेन्टिलेटरमा उपचार हुँदै

• गाउँ सहर संवाददाता
• ६ फाल्गुण बिहीबार, २०७७ | १६:३१:०० मा प्रकाशित

काठमाडौं । नेपालमा पछिल्लाे २४ घण्टामा कोरोना संक्रमित तीनजनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या दुई हजार ५८ पुगेको थियो ।

विगत २४ घण्टामा तीन हजार ५४१ जनाको पीसीआर परीक्षण गरिएकामा ९६ जनाको नतिजा पोजेटिभ आएको छ । योसँगै नेपालमा कोरोना संक्रमितको संख्या दुई लाख ७३ हजार १६६ पुगेको छ ।

त्यस्तै गत २४ घण्टामा १११ जना संक्रमणमुक्त भएका छन् योसँगै देशमा कोरोनामुक्त हुनेको संख्या दुई लाख ६९ हजार ५०५ पुगेको छ ।

हाल क्वारेन्टिनमा ७१ जना छन् भने आइसोलेसनमा एक हजार ६०३ जना रहेको स्वास्थ्य तथा जनसंख्या मन्त्रालयले जनाएको छ । देशभर हालसम्म ६१ जना कोरोना संक्रमितको आईसियुमा तथा १३ जनाको भेन्टिलेटरमा उपचार भइरहेको छ ।

कहाँ कति थपिए ?

स्वास्थ्य तथा जनसंख्या मन्त्रालयका अनुसार गत २४ घण्टामा सप्तरीमा १, सर्लाहीमा ३, काठमाडौँमा ३०, चितवनमा ३, धादिङमा २, नुवाकोटमा ४, भक्तपुरमा ३, मकवानपुरमा २, रामेछापमा १ र ललितपुरमा ९ जना संक्रमित थपिएका छन् ।

यस्तै कास्कीमा १९, गोरखामा १, नवलपरासीपुर्वमा १, पर्वतमा १, लमजुङमा २, स्याङ्जामा १, अर्घाखाँचीमा १, गुल्मीमा १, नवलपरासीमा १, पाल्पामा ४, बाँकेमा १, रुपन्देहीमा १, दैलेखका १, सुर्खेतका १ तथा कैलालीमा २ जनामा संक्रमण पुष्टि भएको छ ।

काठमाडौँ उपत्यकामा थप ४२ जनामा संक्रमण पुष्टि भएको छ ।