राजनीति

सिंहदरबारकाे नाकैमा अनेरास्ववियूकाे नारा : ‘केपी ओली वी हेट यू’ (फाेटाेफिचर)

काठमाडाैं ।  नेकपा प्रचण्ड–माधव समहूको विद्यार्थी संगठन अनेरास्ववियूले प्रतिनिधिसभा विघटनविरुद्ध सिंहदरबार नजिकै प्रदर्शन गरेका छन् ।

आइतबार सिंहदरबार घेराउ गर्ने क्रममा सिंहदरबार नजिकैकाे अनामनगरस्थित हनुमानथान चाेकमा प्रधानमन्त्री केपी शर्मा ओलीबिरूद्ध चर्का नारा लगाएका हुन् । प्रधानमन्त्री ओलीलाई सम्बोधन गरेको विरोध पत्रसहित अनेरास्ववियूले हनुमानस्थानमा प्रदर्शन गरेका हुन् ।

‘केपी ओली वी हेट यू’ जस्ता नारा लगाउँदै अनेरास्ववियूले तत्काल सरकारी पदबाट हट्न भन्‍दै सिंहदरबार घेराउ गरेका थिए ।

केही दिनअगाडि प्रधानमन्त्री ओलीका समर्थकले ‘केपी ओली, आई लभ यू’ नारा लगाएका थिए ।

उनीहरूले ‘दु:खी नेपाली अस्तव्यस्त नेपाल’ भन्दै विरोध पत्रमा लेखेका छन् । विरोध पत्र बुझ्न नमानेको भन्दै अनेरास्ववियूले सडकबाटै उक्त पत्र सार्वजनिक गरेको बताएका छन् ।

घेराउपछि अनेरास्ववियूका केन्द्रीय सह-संयोजक रञ्‍जित तामाङले भने, ‘सरकारी तलबभत्ता र कर खाएर पार्टीको प्रचार गरेर हिड्ने प्रधानमन्त्री, मन्त्रीलाई जहाँ भेट्‍यो त्यही कारबाही गरौँ। सरकारी गाडीलाई निशेष गरौँ । केपी ओली काम चलाउ प्रधानमन्त्री भएकाले उनी आसेपासे र हनुमानहरुले घेरिएका छन् । उनी अहिले काठमाडौँको ढलभन्दा धेरै फोहोर राजनीति गर्ने एउटा दलाल हुन् ।’

प्रधानमन्त्री ओलीले गत पुस ५ गते प्रतिनिधि सभा विघटन गरेका थिए। यो मुद्दा सर्वोच्च अदालतमा विचाराधीन छ ।

गाउँ सहर संवाददाता

तपाईँको मत