राजनीति

प्रतिगमनलाई जुत्ता हानेर अनेरास्ववियूकाे बिराेध (फाेटाेफिचर)

काठमाडौं । प्रतिनिधिसभा विघटनको विरुद्ध अनेरास्ववियूले नारायणहिटी अगाडि प्रतिगमनलाई जुत्ता हानेर बिराेध गरेकाे छ । 

साेमबार प्रचण्ड– नेपाल पक्षका अखिल नेपाल स्वतन्त्र विद्यार्थी युनियनले संसदन विघटनको विरोध जनाएको हाे ।

नारायणहिटी संग्रहालयअघि प्रतिगमनको प्रतीक बनाई जुत्ता हान्ने कार्यक्रम गरिएको प्रचण्ड–माधव अनेरास्ववियुका सहसंयोजक रञ्जित तामाङले जानकारी दिए । 'प्रतिगमनविरुद्धका चरणवद्ध कार्यक्रमअन्तर्गत प्रतीक बनाएर जुत्ता हानिएको हो', उनले भने,  'संसद् विघटन असंवैधानिक छ । कुनै पनि हालतमा हामीलाई स्वीकार्य छैन ।'

सत्ता टिकाउन नारायणहिटीअघि गरेको प्रपञ्चको विरोधमा अनेरास्ववियुले सांकेतिक कार्यक्रम गरेको उनले बताए । उनले प्रतिगमन देश र जनतालाई नचाहिएको र कुनै पनि मूल्यमा स्वीकार्य नभएको पनि बताए । संसद् विघटन गलत भएको र यसले राजनीति र व्यवस्थालाई असर पुर्‍याएको उनको भनाइ छ ।

'प्रतिगमनकारीलाई कानुनको पालना गर्न, जनताले दिएको जनमतको सम्मान गर्न, संवैधानिक गतिविधि नगर्न र जनताका पक्षमा काम गर्न त्यसका लागि प्रतिगमनका असफल मतियारहरूले पदबाट राजीनामा दिनका निम्ति आग्रह गर्न चाहन्छौँ,' उनले भने ।

 

गाउँ सहर संवाददाता