गाउँ सहर

एक अर्बको जलारी राख्ने पैसाले पशुपतिनाथ विश्वविद्यालय खोल्न राप्रपा अध्यक्ष लाेहनीकाे सुझाव

• गाउँ सहर संवाददाता
• १९ माघ सोमबार, २०७७ | १२:४५:०० मा प्रकाशित

काठमाडौं । राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनीले पशुपतिनाथ मन्दिरमा एक अर्बको जलारी राख्नुको सट्टा बाबा पशुपतिनाथ विश्वविद्यालय खोल्न सुझाव दिएका छन् ।

सोमबार सामाजिक संजाल फेसबुकमार्फत अध्यक्ष लोहनीले विश्वविद्यालय खोलेर त्यसमा सातै प्रदेशबाट छानिएका गरीब, जेहेन्दार विद्यार्थीलाई निःशुल्क पठनपाठनको व्यवस्था गर्न सुझाव दिएका हुन् ।

उनले लेखेका छन्, ‘एक अर्ब खर्च गरेर पशुपतिनाथमा सुनको जलारी राख्ने सरकारी लक्ष्य पढियो । मेरो सल्लाह छः बाबा भोलेनाथप्रति भक्ति र समर्पण गर्न त्यो पैसाबाट बाबा पशुपतिनाथ विश्वविद्यालय खोल्ने तरखर गर्नुस् । यो विश्वविद्यालयमा पशुपतिनाथमा भक्तजनहरुले चढाएको भेटीबाट देशको सातै प्रदेशबाट छानिएका गरीब, जेहेन्दार र विभिन्न जातिय समूहका विद्यार्थीहरुलाई निःशुल्क उच्च शिक्षा को व्यवस्था गर्नुस् । यो नै बाबा भोलेनाथप्रति सच्चा भक्ति हुनेछ ।’