स्वास्थ्य

मंगलबार मुलुकभर ४४१ जना काेराेना संक्रमित निकाे, ३४८ नयाँ थपिए, ४ जनाकाे मृत्यु

• गाउँ सहर संवाददाता
• ६ माघ मंगलबार, २०७७ | १६:१३:०० मा प्रकाशित

काठमाडौं । नेपालमा पछिल्लो २४ घण्टामा थप ४ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।

योसँगै नेपालमा कोरोनाले ज्यान गुमाउनेको संख्या १९६९ पुगेको छ ।

मन्त्रालयका अनुसार पछिल्लो २४ घण्टामा  पीसीआर गरिएका चार हजार ९५६ मध्ये ३४८ जनाको नतिजा पोजेटिभ आएको छ । नेपालमा मंगलबारसम्म जम्मा संक्रमितको संख्या दुई लाख ६७ हजार ९९२ पुगेको छ ।

पछिल्लो २४ घण्टामा थप ४४१ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख ६२ हजार २५९ पुगेको छ ।

उनीहरू देशका विभिन्न स्थानका अस्पताल तथा होम आइसोलेसनबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।