प्रेरणा

जलको उपयोग अत्यन्तै सावधानीसँग गर्नुहोस् किनकी पानी बचाउनु एक पूजा समान हुन्छ

• गाउँ सहर डेस्क
• ५ माघ सोमबार, २०७७ | ०८:४४:०० मा प्रकाशित

काठमाडौँ । महात्मा गान्धी यात्रा धेरै गर्दथे र त्यो समय आफ्ना नजिकका मानिसको घरमा रोकिन मन पराउँथे । उनी मान्दथे कि जब हामी कसैको घरमा बस्छौँ त्यसले आफ्नोपन बढाउँछ । केहि कुरा हामी अरुबाट सिक्छौँ त केहिलाई हामी सिकाउँछौँ । एकपटक गान्धी जवाहरलाल नेहरुसँग इलाहावादको आनन्द भवनमा बसेका थिए ।

एक दिन विहानको समय जब गान्धी उठे, उनी लोटामा पानी लिएर हात मुख धोइरहेका थिए । त्यो समय नेहरुसँग कुरा पनि गरिरहेका थिए । उनको बानी थियो कि काम गर्दै बातचित गर्ने । उनको लोटाको पानी सकियो, तर उनले ठिकसँग मुख धुन सकेनन् । यो कुराले असहज भए र कुरा गर्न बन्द गरे ।

गान्धी चूप लागेको देखेर नेहरुले पानी सकिएको र मुख धुने काम अधूरो रहेको कुरा बुझे । नेहरुले भने- के कुराले बापू तपाईं असहज हुनुभयो ? गान्धीले भने- तपाईंसँग कुरा गर्दा यतिसम्म गम्भीर भएँछु कि पानी सकियो र मेरो काम अधूरै रह्यो ।

नेहरु हाँस्दै भने- यहाँ गंगा बगिरहेको छ, यमुना नदी छ । पानीको कुनै कमी छैन । तपाईं जति चाहनुहुन्छ त्यति लोटा पानी लिन सक्नुहुन्छ ।

गान्धीले भने- यी दुबै नदी केवल मेरो लागि बगिरहेका छैनन् । त्यो अनेक व्यक्तिको काम आउने छ । मले कुनैपनि कामको लागि एक लोटाभन्दा बढी पानी लिएँभने आफ्नो देशका धेरै मानिहरुको हकको पानी लिइरहेको हुनेछु ।

नेहरुले त्यो दिन सोचे कि बापू कतिविघ्न गहिरोगरी सोच्दा रहेछन भनेर ।

यसकारण जल र अन्य वस्तुको उपयोग अत्यन्तै सावधानीका साथ गर्नुपर्दछ । गान्धीको यो कुरा आजपनि उत्तिकै सान्दर्भिक हुन्छ । आज पानी बचाउनु एक पूजाजस्तै हो । यदि हामीले अहिलेदेखि नै जल बचाएनौँ भने अबको विश्वयुद्ध पानीको लागि हुनेछ ।