स्वास्थ्य

पछिल्लाे २४ घण्टामा नेपालमा काेराेना संक्रमित हुने भन्दा निकाे हुने दुई जना बढि, ६ जनाकाे मृत्यु

• गाउँ सहर संवाददाता
• १ माघ बिहीबार, २०७७ | १६:०५:०० मा प्रकाशित

काठमाडाैं । पछिल्लाे २४ घण्टामा नेपालमा काेराेना संक्रमित हुने भन्दा निकाे हुने संख्या दुई जना मात्र बढि छन् ।  

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पाँच हजार ३२ सय जनाको पीसीआर गरिएकामध्ये ४०३ जनाको नतिजा पोजेटिभ आएको छ भने निको हुने ४०५ जना रहेका छन् । 

नेपालमा बिहीबारसम्म जम्मा संक्रमितको संख्या दुई लाख ६६ हजार  पाँच सय ४६ जना पुगेको छ ।

कोरोनामुक्त हुनेको संख्या दुई लाख ६० हजार एक सय ७७ पुगेको छ । हालसम्म क्‍वारेन्टिनमा २३१ जना छन् भने चार हजार चार सय २६ जना आइसोलेसनमा रहेको मन्त्रालयले जनाएको छ । 

 

त्यसैगरि मुलुकभर कोरोना संक्रमणका कारण थप ६ जनाको मृत्यु भएको छ । योसँगै कोरोनाका कारण मृत्यु हुनेको संख्या नेपालमा १९ सय ४३ पुगेको छ ।