शववाहन खरिदका लागि ४० लाख सहयोग संकलन
- गाउँ सहर संवाददाता
- २१ पौष मंगलबार, २०७७ | २०:३७:०० मा प्रकाशित
लेखनाथ । नागरिक परोपकार समन्वय संस्था कास्कीले शववाहन खरिदका लागि सञ्चालन गरेको अर्थ संकलन अभियान अन्तर्गत ४० लाख रुपैंया संकलन भएको छ । अभियान अन्तर्गत पोखरा २६ को बुढिबजारमा आयोजित ११ औं श्रृङखलाको कार्यक्रममा करिब २ लाख रुपैंया थप संकलन भएको हो ।
कार्यक्रमलाई सम्बोधन गर्दै जिल्ला समन्वय समिति कास्कीका संयोजक बैन बहादुर अधिकारी क्षेत्रीले मानिसलाई बाँचुञ्जेल जीवनका विभिन्न कालखण्डमा सम्मान गरेजस्तै मृत्यूपछि पनि सम्मानजनक अन्त्येष्टि गर्न तन मन र धनले सहयोग गर्न अनुरोध गरेका थिए ।
यसैगरि पोखरा २६ का वडाअध्यक्ष नारायण प्रसाद बरालले भौतिक विकासमात्र विकास नभई मानव संसाधनको विकास पनि विकासको अभिन्न अंग भएको बताउँदै मानिसलाई कसरी बचाउन सकिन्छ र मृत्यूपर्यन्त पनि कसरी परम्परा संस्कार अनुसार लैजान सकिन्छ भन्नेतिर जानु पनि एक प्रकारको विकास भएको बताएका थिए ।
कार्यक्रममा लेखनाथ उद्योग वाणिज्य संघका कोषाध्यक्ष जानुका अधिकारी, लायन्स क्लवको तर्फबाट शैलेन्द्र मोहन भटराई लगायतले अभियानमा सवैको साथ र सहयोग चाहिनेमा जोड दिएका थिए ।
अभियान मार्फत १ करोड रुपैयाँ संकलन गर्ने संस्थाको लक्ष्य रहेको संस्थाका अध्यक्ष राजेन्द्र ओझाले बताए । उक्त रकम मध्ये ४० लाख शववाहन गरिद गर्न खर्च गरिने र ६० लाख शववाहन सञ्चालनका लागि कोषको स्थापना गरिने ओझाले जानकारी दिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- टी-२० विश्वकप खेल्ने नेपाली टोलीमा समेटिए यी खेलाडीहरू
- काठमाडौंमा सुरू भयाे सीप मेला, २०८१ जनालाई रोजगारी दिने लक्ष्य
- वेस्टइन्डिज ‘ए’सँग फराकिलो अन्तरले पराजित भयाे नेपाल
- साउन १ गतेदेखि पशुपतिमा विद्युतीय शवदाह निःशुल्क
- नेपाललाई जितका लागि वेस्ट इन्डिज ‘ए’ काे विशाल लक्ष्य
- चालू आर्थिक वर्षमा आर्थिक वृद्धिदर ३.८७ प्रतिशत हुने प्रक्षेपण
- स्वास्थ्य मन्त्रालयले मास्क लगाउन आग्रह गर्नुपर्ने अवस्था किन आयाे ?
- शेयरबजार : नेप्से र काराेबार दुवै बढ्याे
- ग्लोबल आइएमई बैंकमा स्वीस इन्भेष्टमेन्ट फन्ड फर इमर्जिङको १० मिलियन डलर लगानी
- एमालेको कान्छो सांसदकाे रूपमा सुहाङले जित्दा रास्वपाका मिलनकाे जमानत नै जफत
प्रतिकृया दिनुहोस