खेल

सहिद स्मारक ए डिभिजन लिग फुटबलको प्राविधिक प्रतिवेदन सार्वजनिक

• गाउँ सहर संवाददाता
• ९ जेठ शुक्रबार, २०७७ | १७:५६:०० मा प्रकाशित

काठमाडौं । अखिल नेपाल फुटबल संघ (एन्फा) ले सहिद स्मारक ए डिभिजन लिग फुटबलको प्राविधिक प्रतिवेदन (टेक्निकल रिपोर्ट) सार्वजनिक गरेको छ । 

एन्फा अध्यक्ष कर्मा छिरिङ शेर्पाले शुक्रबार प्रतिवेदन राखेप सदस्यसचिव रमेश सिलवाललाई हस्तान्तरण गरेका थिए ।

राखेप सदस्य सचिव रमेश सिलवालबाट लिगको गतिविधि समेटिएको प्राविधिक प्रतिवेदन सार्वजनिक गरेको हो ।

सहिद स्मारक ए डिभिजन लिग सकिएको करिब ३ महिनापछि एन्फाले राखेपलाई टेक्निकल रिपोर्ट बुझाएको हो । लिग गत वर्षको फागुनमा सम्पन्न भएको थियो । लिगको उपाधि पहिलो पटक मछिन्द्र फुटबल क्लबले जितेको थियो ।

टेक्निकल रिपोर्टमा लिगको विजेताको नाम, सहभागी क्लब, लिगमा भएका सबै गतिविधी, खेलाडीको नामावली, पहेलो कार्ड, रातो कार्ड लगायतको जानकारी रहेको एन्फाले जनाएको छ ।