राजनीति

प्रतिनिधि सभाका ज्येष्ठ सांसद अर्जुननरसिंह केसीले लिए शपथ

• गाउँ सहर संवाददाता
• ११ चैत बुधबार, २०८२ | ११:४३:०० मा प्रकाशित

काठमाडौं । राष्ट्रपति रामचन्द्र पौडेलले प्रतिनिधिसभा सदस्यमा निर्वाचित ज्येष्ठ सदस्य अर्जुननरसिंह केसीलाई पद तथा गोपनीयताको शपथ गराएका छन्। राष्ट्रपति कार्यालय शीतल निवासमा आज बिहान नेपाली कांग्रेसबाट समानुपातिक सांसद बनेका केसीले राष्ट्रपति पौडेल समक्ष सपथ ग्रहण गरेका हुन्। 

संघीय संसद सचिवालका अनुसार ज्येष्ठ सदस्य केसीले प्रतिनिधिसभामा निर्वाचित सांसदलाई बिहीबार पद तथा गोपनीयताको शपथ गराउने कार्यतालिका छन्।

सांसदको शपथपछि रास्वपाको केन्द्रीय समितिको बैठकबाट विधान संशोधन गरि बालेन्द्र शाह (बालेन)लाई संसदीय दलको नेता चयन गर्नेछ। त्यसपश्चात राष्ट्रपति पौडेलले संविधानको धारा ७६ (१) अनुसार बालेनलाई प्रधानमन्त्रीमा नियुक्त गर्ने छन्। एकल बहुमत रहेको रास्वपाले शुक्रबार सरकार गठन गर्दैछ।