गाउँ सहर

एक अमेरिकी डलरको नेपाली मूल्य १५० रुपैयाँ

• गाउँ सहर संवाददाता
• ८ चैत आइतबार, २०८२ | ०८:१२:०० मा प्रकाशित

काठमाडौं । एक अमेरिकी डलरको नेपाली मूल्य १५० रुपैयाँ पुगेको छ ।

नेपाल राष्ट्र बैंकका अनुसार, आइतबारका लागि एक अमेरिकी डलरको खरिददर १४९ रुपैयाँ ६४ पैसा र बिक्रीदर १५० रुपैयाँ २४ पैसा कायम भएको हो । अमेरिकी डलरको यो मूल्य हालसम्मकै उच्च हो ।

बिहीबार र शुक्रबार अमेरिकी डलरको खरिद दर १४७ रुपैयाँ ९२ पैसा र बिक्री दर १४८ रुपैयाँ ५२ पैसा थियो । त्यसअघि बुधबार खरिद दर १४७ रुपैयाँ ५० पैसा र बिक्री दर १४८ रुपैयाँ १० पैसा थियो । गत आइतबार खरिद दर १४७ रुपैयाँ ६४ पैसा र बिक्री दर १४८ रुपैयाँ २४ पैसा थियो ।

डलरको मूल्य यसरी कीर्तिमानी विन्दुमा पुग्दा नेपाली अर्थतन्त्रमा यसको बहुआयामिक प्रभाव पर्ने देखिन्छ । विशेषगरी आयातमा निर्भर मुलुक भएकाले यसको प्रत्यक्ष असर सर्वसाधारणको भान्सादेखि राज्यकोषसम्म पुग्छ ।

शनिबार स्वीस फ्रयांक, अष्ट्रेलियन डलर, क्यानेडियन डलर, सिंगापुर डलर, चिनियाँ युआन, जापानी येन, रियाल, दिराम, भाट सबैजसो विदेशी मुद्रा नेपाली रुपैयाँसँगको विनिमय दर महँगो भएका छन् ।