गाउँ सहर

बडा दशैँको पाँचौँ दिन आज स्कन्दमाताको पूजाआजा गरेर मनाइँदै

• गाउँ सहर संवाददाता
• ११ असोज शनिबार, २०८२ | ०६:०५:०० मा प्रकाशित

काठमाडौँ । नेपालीहरुको महान पर्व बडा दशैँको पाँचौँ दिन आज स्कन्दमाताको पूजाआजा गरेर मनाइँदै छ ।

दुर्गा भवानीका नौ रुप मध्ये पाँचौँ स्कन्दमाताको हो । नवरात्रका दिन सुरु भएसँगै पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डाको पूजा गरिएकोमा आज पाँचौँ दिन स्कन्दमाताको पूजा गरिँदै छ । 

राजधानीका गुहेश्वरी, मैतीदेवी, दक्षिणकाली, कालिकास्थान, शोभाभगवती, तलेजुभवानी र विजेश्वरीमा दर्शनार्थीको भिड लाग्ने गरेको छ। साथै देशका धेरै धार्मिक स्थलहरूमा आज भिड थामिनसक्नु हुन्छ ।

दशैँ पर्वलाई असत्यमाथि सत्य र आसुरी शक्तिमाथि दैवी शक्तिको विजयको प्रतीकका रुपमा मनाउने गरिन्छ ।