गाउँ सहर

बाजुराको बाम्का बजारमा आगलागीबाट ४० पसल जले

• गाउँ सहर संवाददाता
• २३ जेठ शुक्रबार, २०८२ | २१:५१:०० मा प्रकाशित

काठमाडाैं । बाजुराको बाम्का बजारमा शुक्रबार दिउँसो आगलागी भएको छ । बुढीगंगा नगरपालिका ६ साँफे-मार्तडी सडकखण्डमा पर्ने  बाम्का बजारमा आगलागी भएको हो ।

आगलागीमा ४० भन्दा बढी पसलहरू जलेर पूर्ण रूपमा नष्ट भएको बुढीगंगा नगरपालिकाका नगरप्रमुख रामबहादुर बानियाँले बताए ।

नगरप्रमुख बानियाँका अनुसार नवदुर्गा होटलबाट ग्यास पड्केर आगलागी भएको हो । दमकल नभएकाले आगो समयमै नियन्त्रणमा लिन नसकिएको स्थानीयले बताएका छन् ।