गाउँ सहर

क्षतिको पूर्ण जिम्मेवारी दुर्गा प्रसाईंले लिनुपर्छ- गृह मन्त्रालय, रविन्द्र मिश्र भन्छन्- सरकार

• गाउँ सहर संवाददाता
• १५ चैत शुक्रबार, २०८१ | २०:१८:०० मा प्रकाशित

काठमाडौँ । गृह मन्त्रालयले राजावादी आन्दोलन विशुद्ध हिंसा, अमानवीय र लुटपाटको लागि गरिएको आरोप लगाएको छ ।

शुक्रबार साँझ गृह मन्त्रालयमा पत्रकार सम्मेलनमा गृह मन्त्रालयका  सहसचिव छवि रिजालले आजको आन्दोलन राजनीतिक उद्देश्यबाट नरहेको कारण अगामी दिनमा सरकार संयमित भएर नबस्ने बताएका हुन् ।  उनले राजावादीको हिंसात्मक आन्दोलनका क्रममा भएको क्षतिको जिम्मेवार व्यवसायी दुर्गा प्रसाईं रहेको बताए ।

उनले हिंसात्मक र लुटपातको कार्यमा संलग्न जोसुकै भएपनि कानुनी दायरामा ल्याइने बताए । 

उनका अनुसार राजावादीको तीनकुने आन्दोलनमा झडप हुँदा १५ जना सुरक्षाकर्मीसहित ३० जना घाइते भएका छन् । त्यस्तै एक जनाको मृत्यु भएको छ । भौतिक क्षतिको पूर्ण विवरण आइनसकेको र संकलनको कार्य भइरहेको समेत उनले बताए ।

तर उता राप्रपा उपाध्यक्ष रविन्द्र मिश्रले भने आजकाे सम्पूर्ण जिम्मा सरकारले लिनुपर्ने सामाजिक सञ्जालमार्फत बतइसकेका छन् ।