गाउँ सहर

अवाञ्छित गतिविधि गरेको आरोपमा पाशुपत क्षेत्रबाट ७५ जना पक्राउ

• गाउँ सहर संवाददाता
• १४ फाल्गुण बुधबार, २०८१ | १४:१३:०० मा प्रकाशित

काठमाडाैँ । पशुपतिनाथ क्षेत्रबाट अवाञ्छित गतिविधि गरेको आरोपमा ७५ जना पक्राउ परेका छन् । महाशिवरात्रिको अवसरमा पशुपति क्षेत्रमा अवाञ्छित गतिविधि गरेको आरोपमा प्रहरीले ७५ जनालाई पक्राउ गरेको हो ।

उच्छृङ्खल गतिविधि गरेको, लागूऔषध गाँजा खाएर हो–हल्ला गरेको, अभद्र व्यवहार र लुटपाट गर्न खोजेको पाइएपछि उनीहरूलाई पक्राउ गरिएको हो ।

पक्राउ परेकाहरूलाई प्रहरी वृत्त गौशाला र परिसर टेकुमा राखिएको छ । अवस्था हेरेर पक्राउ परेकाहरूलाई छाड्ने तथा कारबाही प्रक्रिया अघि बढाइने जिल्ला प्रहरी परिसर काठमाडौँका एसपी तथा प्रवक्ता अपिलराज बोहोराले जानकारी दिए ।