राजनीति

ओली सरकारलाई पाप लाग्ला : सांसद ज्ञानेन्द्र शाही

• गाउँ सहर संवाददाता
• १३ फाल्गुण मंगलबार, २०८१ | १४:४८:०० मा प्रकाशित

काठमाडाैँ। राष्ट्रिय प्रजातन्त्र पार्टी (राप्रपा) का प्रमुख सचेतक तथा सांसद ज्ञानेन्द्र शाहीले काठमाडौँ महानगरपालिकाले प्रमुख प्रशासकीय अधिकृत पाउन नसकेको विषय संसद्‌मा उठाउँदै ओली सरकारलाई त्यसको पाप लाग्ने बताएका छन्।

प्रतिनिधिसभाको आजको बैठकमा सांसद शाहीले प्रमुख प्रशासकीय अधिकृत नपठाएको भनेर सरकारको आलोचना गरे।

गाउँगाउँमा सिंह गयो, दरबार गएन, ओली सरकारबाट जनताको कहिले पनि भलो भएन,’ शाहीले भने, ‘काठमाडौँ महानगरपालिकासहित देशका धेरै गाउँपालिकामा प्रमुख प्रशासकीय अधिकृत ठप्प रोकेर राखेको छ।’

प्रमुख प्रशासकीय अधिकृत नहुँदा सम्बन्धित स्थानीय तहबाट हुने सेवा प्रवाहमा असर परेको उनले बताए।

उनले तलब रोकिँदा शिक्षक र कर्मचारी पनि समस्यामा परेको बताए।

काठमाडौँ महानगरपालिकामा सरसफाइ गर्ने कर्मचारीले तलब खान पाएका छैनन्। यो ओली सरकारलाई त्यसको पाप लाग्ला’,  शाहीले भने।