खेल

प्रथम खो खो विश्वकपमा नेपाली महिला टिम दाेस्राे

• गाउँ सहर संवाददाता
• ६ माघ आइतबार, २०८१ | २०:३९:०० मा प्रकाशित

काठमाडौं । नयाँ दिल्लीमा भइरहेको प्रथम खो–खो विश्वकप प्रतियोगितामा नेपाली महिला टिमले रजत पदक जितेको छ । इन्दिरा गान्धी स्पोर्ट्स कम्प्लेक्समा भर्खरै सम्पन्न फाइनलमा नेपाल आयोजक भारतसँग पराजित भएको छ । भारतले ७८–४० स्कोरमा खेल जित्दै पहिलो खो खो विश्वकपको उपाधि जितेको छ । भारतले एट्याकिङमा भरपुर अंक बटुलेको थियो ।

सरस्वती कडायतको कप्तानीमा उत्रेको नेपाली टिम अपराजित रहँदै फाइनल पुगेको थियो । खो खोको महारथी भारतले आफ्नो प्रभुत्व कायम राख्दै उपाधि जित्यो ।

यो फाइनल पनि नेपालमा भएको १३ औं दक्षिण एसियाली खेलकुदको फाइनल पुनरावृत्ति भएको छ । भारतले १७–५ स्कोरले नेपाललाई हराएर सागको स्वर्ण जितेको थियो ।

यद्यपि कुनै पनि टिम गेममा नेपाल विश्वकपको फाइनल पुगेको यो पहिलो अवसर हो ।