गाउँ सहर

तिब्बतमा भूकम्पपछि ६ सय ४६ पराकम्पन, जमिन १.६ मिटर तल भासियो

• गाउँ सहर संवाददाता
• २४ पौष बुधबार, २०८१ | १९:२०:०० मा प्रकाशित

दक्षिण–पश्चिम चीनको स्वायत्त क्षेत्र तिब्बतको डिंग्री काउन्टीमा मङ्गलबार बिहान आएको ७ रेक्टर स्केलको भूकम्पपछि बुधबार दिउँसोसम्म कुल ६४६ पराकम्पनहरू गएकाे क्षेत्रीय सरकारले जनाएको छ ।

क्षेत्रीय आपत्कालीन व्यवस्थापन विभागका प्रमुख होङ लीका अनुसार सबैभन्दा ठूलो पराकम्पनको रेक्टर स्केल​ ४.४ थियो र यो केन्द्रविन्दुबाट करिब १८ किलोमिटर टाढा थियो ।

भूकम्पमा १२६ जनाको मृत्यु भएको छ र अन्य १८८ जना घाइते भएका छन् । भूकम्प प्रभावित क्षेत्रमा दूरसञ्चार, सडक र बिजुली सेवा पुनःस्थापना गरिएको छ ।

भूकम्पको केन्द्रबिन्दु नेपाल-चीन सीमामा अवस्थित सगरमाथाबाट झन्डै ९० किलोमिटर टाढा छ । एउटा फल्ट लाइनमा पर्ने उक्त क्षेत्रमा भूकम्पीय गतिविधि भइरहन्छ । एजेन्सीकाे सहयाेगमा