स्वास्थ्य

क्यान्सरलाई जितेर फर्किँदै राप्रपाका धवलशमशेर

• गाउँ सहर संवाददाता
• १४ पौष आइतबार, २०८१ | ०८:१८:०० मा प्रकाशित

काठमाडौँ । राष्ट्रिय प्रजातन्त्र पार्टीका महामन्त्री तथा सांसद धवल शमशेर राणा क्यान्सरलाई जित्न सफल भएका छन् । भारतको टाटा क्यान्सर अस्पतालमा तीन महिनायता उपचाररत उनी स्वास्थ्यमा सुधार आएसँगै आज आइतबार नेपाल फर्किने भएका छन् ।

उनले आज काठमाडौँ आइपुग्ने जानकारी सामाजिक सञ्जालमार्फत दिएका छन् । साथै उनले अब आफू नियमित काममा सरिक हुने पनि बताएका छन् । ‘तीन महिनाको लामो उपचार पश्चात् म निको भएको छु । आगामी दिनमा म मेरो पूर्वनिधारित कार्यक्रमहरूमा सरिक हुने नै छु । सम्पूर्ण परिवारजन, आफन्त, शुभेच्छुक एवं पार्टीका सम्पूर्ण साथीहरू प्रति धन्यवाद तथा आभार व्यक्त गर्दछु । हजुरहरूको म प्रतिको शुभेच्छा कायम रहोस् ।’