माैसम पूर्वानुमान : कुन प्रदेशमा कस्ताे रहला ?
- गाउँ सहर संवाददाता
- ६ भदौ बिहीबार, २०८१ | ०८:०५:०० मा प्रकाशित
काठमाडौं । देशका विभिन्न ठाउँमा बिहानैदेखि वर्षा भइरहेको छ । देशभर आंशिकदेखि साधारणतया बदली रहँदा कोसी, मधेस, वाग्मती, गण्डकी र लुम्बिनी प्रदेशका केही ठाउँमा वर्षा भइरहेको छ । बाँकी प्रदेशका एकदुई स्थानमा मेघगर्जन र चट्याङसहित हल्का वर्षा भइरहेको हो ।
काठमाडौंमा पनि वर्षा भइरहेको छ । मंगलबार साँझदेखि नै काठमाडौंमा वर्षा भइरहेको छ ।
जल तथा मौसम विज्ञान विभागका अनुसार दिउँसो देशभर साधारणतया बदली रहनेछ । सबै प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ ।
कोसी, मधेस र सुदूरपश्चिम प्रदेशका थोरै स्थानमा तथा बाँकी प्रदेशका एकदुई स्थानमा भारी वर्षाको सम्भावना छ ।
विभागले राति देशभर आंशिकदेखि साधारणतया बदली रहने बताएको छ । कोसी, वाग्मती, गण्डकी, लुम्बिनी र सुदूरपश्चिम प्रदेशका केही स्थानमा वर्षा हुनेछ ।
बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ ।
कोसी र मधेस प्रदेशका एकदुई स्थानमा भारी वर्षाको पनि सम्भावना छ ।
भारी वर्षाको पनि सम्भावना रहेकाले गेग्रान बहाव, बाढी, पहिरो तथा भू–क्षयजस्ता प्रकोपको जोखिम रहेको विभागको भनाइ छ । त्यसबाट हुनसक्ने क्षतिबाट बच्न आवश्यक सावधानी अपनाउन विभागको आग्रह छ ।
दैनिक जनजीवनलगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेको विभागको भनाइ छ ।
हाल देशभर मनसुनी वायुको प्रभाव छ । मनसुनको न्यूनचापीय रेखा पश्चिमतिर सरदर स्थानमा र पूर्वतिर सरदर स्थानको केही उत्तरतर्फ छ । जसका कारण वर्षा भइरहेको हो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- जेल जाने पक्कापक्की भएपछि रवि लामिछानेले न्वारनदेखिको बल लगाएर क्लिन चिट पाएँ भनेर भ्रम फैलाए
- पेट्रोलमा प्रतिलिटर चार रुपैयाँ र डिजेलमा प्रतिलिटर ५ रुपैयाँ मूल्य घट्याे
- रविलाई कारबाही गर्न सिफारिस गरेकाे सहकारी छानबिन समितिकाे यस्ताे सुझाव (पूर्णपाठसहित)
- सहकारी छानबिन समितिको प्रतिवेदन प्रतिनिधि सभाबाट सरकारकाे काँधमा
- शेयरबजारमा देखिएन उल्लास, साताकाे दाेस्राे दिनपनि ५७ अंकले घट्याे नेप्से
- संघीय संसदका दुवै सदनको चालु अधिवेशन सोमबार मध्यरातिदेखि अन्त्य हुने
- नेपालले आज क्यानडाविरुद्ध खेल्दै
- यी १० निर्माण कम्पनीलाई कालोसूचीमा राख्ने तयारी
- एकान्तकुना हिँडेकाे ट्याक्सी चालसकहित धाेबीखाेलाले बगाएपछि...
- संवैधानिक परिषद्को बैठक आज बस्दै, हाेलान् यी निर्णय ?
प्रतिकृया दिनुहोस