माैसम : आज धेरै ठाउँमा भारी वर्षा सम्भावना, सतर्क रहन अनुराेध
- गाउँ सहर संवाददाता
- ५ भदौ बुधबार, २०८१ | ०७:५९:०० मा प्रकाशित
काठमाडौं । मनसुनको न्यून चापीय रेखा सरदर स्थानबाट केही उत्तर दिशा तर्फ सरेको छ । यसको प्रभावले नेपालमा अन्य दिनको तुलनामा मनसुन सक्रिय भएको छ ।
मौसमविद्का अनुसार मनसुनको न्यून चापीय रेखा सरदर स्थानभन्दा उत्तरतिर अर्थात् नेपालतिर सरेमा नेपालमा बढी पानी पर्दछ ।
मंगलबार रातिदेखि नै पूर्वदेखि पश्चिमसम्म पानी परिरहेको छ । सबैभन्दा धेरै वर्षा मधेश प्रदेशको पर्सा जिल्लामा भएको छ । पर्साको टाँडीमा विगत ६ घण्टाको अवधिमा १४५.२ मिलिमिटर वर्षा रेकर्ड भएको छ ।
यसैगरी बाराको सिमरा एयरपोर्टमा १२९.४ मिलिमिटर वर्षा भएको जल तथा मौसम विज्ञान विभागले जनाएको छ ।
विभागको बाढी पूर्वानुमान महाशाखाले आज बिहान पाँच बजे एक सूचना जारी गर्दै पर्साको रङ्गापुर टाँडी बजार, बाराको सिमरा, पर्वानीपुर, कलैया, अमलेखगञ्ज र आसपास भारी वर्षा भएको जनाएको छ ।
वर्षा थप हुन सक्ने भएकाले सो क्षेत्र भई बहने दुधौरा, पसाहा लगायत साना खोलाहरुमा आकस्मिक बाढी आउनसक्ने सम्भावना छ । त्यसैले ती क्षेत्रका तटीय क्षेत्र र डुबान भइरहने होचा भू-भागहरूमा आज बिहान १० बजेसम्म सतर्कता अपनाउन महाशाखाले अनुरोध गरेको छ ।
६ घण्टाको अवधिमा कैलालीको धनगढी एयरपोर्टमा पनि राम्रै वर्षा भएको देखिन्छ । त्यहाँ ९७.२ मिलिमिटर वर्षा रेकर्ड भएको छ । तीन घण्टादेखि कञ्चनपुरको दोधारा केन्द्रमा पनि भारी वर्षा भएको देखिन्छ । दोधारा मौसम केन्द्रमा तीन घण्टाको अवधिमा ४४.६ मिलिमिटर वर्षा रेकर्ड भएको छ ।
नुवाकोटको ककनी, कैलालीको टीकापुर लगायत स्थानमा पनि भारी वर्षा रेकर्ड भएको छ । मंगलबार राति कैलालीको कान्द्रा नदी, पहलमानपुर जलमापन केन्द्रमा जलसतहले सतर्कताको तह पार गरेको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- जेल जाने पक्कापक्की भएपछि रवि लामिछानेले न्वारनदेखिको बल लगाएर क्लिन चिट पाएँ भनेर भ्रम फैलाए
- पेट्रोलमा प्रतिलिटर चार रुपैयाँ र डिजेलमा प्रतिलिटर ५ रुपैयाँ मूल्य घट्याे
- रविलाई कारबाही गर्न सिफारिस गरेकाे सहकारी छानबिन समितिकाे यस्ताे सुझाव (पूर्णपाठसहित)
- सहकारी छानबिन समितिको प्रतिवेदन प्रतिनिधि सभाबाट सरकारकाे काँधमा
- शेयरबजारमा देखिएन उल्लास, साताकाे दाेस्राे दिनपनि ५७ अंकले घट्याे नेप्से
- संघीय संसदका दुवै सदनको चालु अधिवेशन सोमबार मध्यरातिदेखि अन्त्य हुने
- नेपालले आज क्यानडाविरुद्ध खेल्दै
- यी १० निर्माण कम्पनीलाई कालोसूचीमा राख्ने तयारी
- एकान्तकुना हिँडेकाे ट्याक्सी चालसकहित धाेबीखाेलाले बगाएपछि...
- संवैधानिक परिषद्को बैठक आज बस्दै, हाेलान् यी निर्णय ?
प्रतिकृया दिनुहोस