गाउँ सहर

सुन्दरीजल नयाँपाटीकाे धागो उद्याेगमा आगलागी

• गाउँ सहर संवाददाता
• २५ श्रावण शुक्रबार, २०८१ | १८:२०:०० मा प्रकाशित

काठमाडौं । काठमाडौंको सुन्दरीजल नयाँपाटीमा आगलागी भएको छ । जोरपाटीस्थित गोकर्णेश्वर नगरपालिका–२ नयाँपाटीमा रहेको  एक धागो फ्याक्ट्रीमा आगलागी भएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए ।

एसपी अधिकारीका अनुसार दिउँसो साढे ४ बजेबाट धागो फ्याक्ट्रीमा लागेको आगो निभाउने प्रयास भइरहेको छ ।

ओलढुंगाको लिखु गाउँपालिका–४ घर भएका ५९ वर्षीय बुद्धिबहादुर कार्कीले सञ्चालन गरेको मनकामना वुल क्राडिङ प्रालि कारखानामा आगलागी भएका  एसपी अधिकारीले बताए ।

अहिले ५० जना प्रहरी, नेपाली सेनाका २५ जनाको टोली र स्थानीयहको सहयोगमा आगो नियन्त्रणको प्रयास भइरहेको छ । आगलागीको कारण खुलिसकेको छैन ।

काठमाडौं महानगरपालिकाको ३ वटा दमकल परिचालन गरिएको छ । ललितपुर महानगरपालिकाबाट पनि दमकल गएका छन् ।