दिगोविकास

“सरकार आफैँ निहुँ खोज्न, वातावरण बिर्गान आएको हो” : गगन थापा

• गाउँ सहर संवाददाता
• २८ बैशाख शुक्रबार, २०८१ | १६:३५:०० मा प्रकाशित

काठमाडौं । प्रमुख प्रतिपक्षी नेपाली कांग्रेसका सांसदहरूले प्रतिनिधि सभा बैठकमा नाराबाजी गरेका छन् ।

आ–आफ्नो स्थानमा उभिएका कांग्रेस सांसदहरूले संसदीय छानबिन समिति गठन गर, सहकारी पीडितहरूलाई न्याय दे भनेर नाराबाजी गरेका हुन् ।

त्यसअघि समय लिएर बोलेका कांग्रेस महामन्त्री गगनकुमार थापाले संसदीय समिति गठन नगर्दासम्म संसद्को कामकारबाही अगाडि नबढ्ने बताएका थिए । संसद्‌मा प्रश्नहरूको घाँटी निमोठ्ने तयारी गरेको भन्दै उनले चेतावनीपूर्ण भाषामा भने, ‘जे गर्न सोच राखिएको छ, यसको मूल्य सबैले चुकाउनुपर्छ ।’

महामन्त्री थापाले संसदीय छानबिन समिति बनाउ भनेर विगतमा कांग्रेस लचक बन्दा समेत सरकार अटेर गरेर बसेको भन्दै सदन चल्न नदिने घोषणा गरेका हुन् । “सरकार आफैँ निहुँ खोज्न आएको हो । वातावरण बिर्गान आएको हो,” उनले भने ।