आज विद्याकी देवी सरस्वतीको पूजा, आराधना गरिँदै
- गाउँ सहर संवाददाता
- २ फाल्गुण बुधबार, २०८० | ०९:१२:०० मा प्रकाशित
काठमाडाैं । प्रत्येक वर्ष माघ शुक्ल पञ्चमीका दिन विद्याकी देवी सरस्वतीको पूजा आराधना गरी मनाइन्छ ।
आजको दिन श्रीपञ्चमी पर्व अर्थात् वसन्त ऋतुको सुरुवात हुने दिन पनि हो । सरस्वती ज्ञान–विज्ञान, कला–शिल्प, संगीत, साहित्य र विद्याकी देवी हुन् । यसै पर्वलाई हामी सरस्वती पूजाको रुपमा मनाउने गर्छौं
बौद्ध धर्मावलम्बीहरुले सरस्वतीलाई बोधिसत्व मञ्जुश्रीका रुपमा ज्ञानको प्रतीक मानेर पूजाआजा गर्छन् । आजकै दिन साना बालबालिकालाई अक्षराम्भ गराइन्छ । नाक, कान छेड्नुका साथै विद्यासँग सम्बन्धित कार्यको आरम्भ गर्न उत्तम मानिन्छ । आज सबै शिक्षण संस्थामा शिक्षक एवं विद्यार्थीले सरस्वतीको पूजा अर्चना गर्छन् । साथै कुनै पनि नयाँ कामको थालनी सर्वोत्तम साइत मानिन्छ ।
उपत्यकामा पशुपति, जयवागेश्वरी, स्वयम्भूको सरस्वतीस्थान, लाजिम्पाटको नील सरस्वती, बल्खु, चाँगु, फर्पिङ, हाँडीगाउँ, लेले लगाएत सरस्वती मन्दिरहरुमा पूजा तथा दर्शन गर्न भीड लाग्दछ ।
सरस्वतीलाई मिश्री, दुध, दही, तुलसी, मह मिलाएर पञ्चामृत प्रसाद बनाएर चढाउने प्रचलन छ भने सेतो रङ, फूल, चन्दन आदि पूजा सामाग्री चढाउने गरिन्छ ।
सरस्वतीलाई चढाएको सात गेडा अक्षता निलेमा विद्या र बुद्धि स्फुरण भई विद्यादेवीबाट चेतनाको ज्योति पाइन्छ भन्ने धार्मिक विश्वास छ । यस अवसरमा हुनमानढोका दरबारमा वसन्त श्रवण गरिन्छ । वसन्त श्रवणमा राष्ट्राध्यक्षका नाताले राष्ट्रपतिको उपस्थिति हुने गर्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- राेहितले राम्राे खेलेपनि नेपालले १६१ रनको लक्ष्य पछ्याउन सकेन
- सबैभन्दा धेरै रेमिट्यान्स भित्र्याएकाेमा ग्लोबल आइएमई बैंक सम्मानित
- दोहोरो अंकले बढ्याे नेप्से, यस्ताे रह्याे शेयर काराेबार
- वेष्ट इन्डिज ‘ए’ ले दियाे जितका लागि नेपाललाई १६१ रनको लक्ष्य
- लगानी सम्मेलनमा के भने प्रधानमन्त्री प्रचण्डले ?
- देशभरका अशक्त र गरिब बिरामीले नि:शुल्क उपचारका लागि काठमाडाैं महानागरमा सम्पर्क गर्न सक्ने
- राष्ट्रपतिद्वारा लगानी सहजीकरण सम्बन्धी ऐन संशोधन गर्ने अध्यादेश जारी
- तेस्रो लगानी सम्मेलन सुरू
- अक्षरयात्राको २१० औं श्रृङखला खास्टेताल किनारमा
- उपनिर्वाचन, २०८१ शान्तिपूर्ण र उत्साहजनकरूपमा सम्पन्न - आयोग
प्रतिकृया दिनुहोस