गाउँ सहर

चक्रपथ बाहिरका यी वडामा सिसिटिभी क्यामेरा जडान हुने

• गाउँ सहर संवाददाता
• १ असार शुक्रबार, २०८० | ०७:००:०० मा प्रकाशित

ललितपुर । ललितपुर महानगरले चक्रपथ बाहिरका वडाहरुमा सिसिटिभी क्यामेरा जडान गर्ने भएको छ । 

नेपाल प्रहरीसँगको सहकार्यमा महानगरले सुनाकोठी, बुङमती, फर्सिडोल,खोकना, धापाखेल नागदह खण्डमा सिसिटिभी क्यामेर जडान गर्न लागेको हो । 

महानगर र जिल्ला प्रहरी परिसरबीच क्यामेरा जडानसम्बन्धी समझदारीपत्रमा महानगरका प्रमुख चिरीबाबु महर्जन र जिल्ला प्रहरी परिसर, ललितपुरका प्रहरी वरिष्ठ उपरीक्षकले हस्ताक्षर गरे । 

महानगर प्रमुख महर्जनले  प्रहरीलाई तीन करोड ५० लाखको चेक हस्तान्तरण गरे । 

महानगर प्रमुख चिरीबाबु महर्जनले सिसीटिभी क्यामेरा जडान नभएको रुटमा सिसिटिभी क्यामेरा जडान गर्ने बताए । 

अबको तीन वर्षभित्र महानगरका सबै सडकमा स्मार्ट सडक बत्ती जडान हुने धारणा राख्दै स्मार्ट सडक बत्ती जडान भएको रुटमा सिसिटिभी क्यामेरा जडान गरिने छ । 

उपप्रमुख मञ्जली शाक्य बज्राचार्यले गाँस, बास र कपास पछिको आधारभूत आवश्यकता सुरक्षा भएको बताए ।

 उहाँले सिसिटिभी जडान प्रहरीसँगको महानगरको सहकार्यसँगसँगै नगरवासीको सुरक्षा भएको जानकारी दिए ।