दोस्रो वडाध्यक्ष कप भेट्रान फुटबल : पहिलाे खेल चावहिल भेट्रान र कपन भेट्रान भिड्दै
- गाउँ सहर संवाददाता
- ३० जेठ मंगलबार, २०८० | ०८:३९:०० मा प्रकाशित
काठमाडौँ । चावहिल गणेशस्थान चौरमा आज मंगलबारदेखि दोस्रो वडाध्यक्ष कप भेट्रान फुटबल खेल सुरु भएको छ । काठमाडौँ महानगरपालिका वडा नं. ७ ले आयोजना गरेको प्रतियोगितालाई चावहिल स्पोटस क्लब र चारुमती युवा क्लवले प्राविधिक सहयोग गरेका छन् । चावहिल भेट्रान र कपन भेट्रानबिच पहिलो खेल भएको हो ।
खेल सुरु गर्दै वडा ७ का अध्यक्ष बिमलकुमार होडाले, समाज, टोल र समुदायका बिचमा आत्मीयता बढाउन खेलले मद्दत गर्ने बताए ।
व्यक्तिमा भएको उर्जालाई सकारात्मक काममा लगाउन खेलको भूमिका रहने बताउँदै नगर सभाअन्तर्गतको विधायन समितिका संयोजक रुपा थापा क्षेत्रीले समुदायको सम्बन्धलाई प्रगाढ बनाउने बताए ।
वडा सदस्य एवं खेलका संयोजक सुरेश शाहीका अनुसार खेलका लागि नवलपरासीबाट २ टोली, बनेपाबाट १, हेटौडाबाट १ र चितवनबाट १ गरी बाहिरी जिल्लाबाट ५ टोलीको सहभागिता छ ।
नकआउटका आधारमा खेलाइने खेल हरेक दिन विहान ८ बजेदेखि निरन्तर २ खेल र बेलुका ४ बजेदेखि एउटा खेल खेलाइनेछ । असार ४ गते खेलको अन्तिम प्रतिस्पर्धा हुनेछ ।
खेलका विजेतालाई नगद १ लाख रुपैयाँसहित ट्रफी र उपविजेतालाई नगद ५० हजार रुपैयाँसहित ट्रफी प्रदान गरिनेछ । यस्तै स्ट्राइकर, किपर, डिफेन्सरलगायत विभिन्न विधामा खेलाडीलाई नगद ५ हजारसहित पुरस्कृत गरिनेछ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- अक्षरयात्राको २१० औं श्रृङखला खास्टेताल किनारमा
- उपनिर्वाचन, २०८१ शान्तिपूर्ण र उत्साहजनकरूपमा सम्पन्न - आयोग
- पाँच खेलको टी–२० शृङ्खलाको पहिलो खेलमा नेपालले वेस्ट इन्डिज ‘ए’ लाई पराजित
- वेस्ट इन्डिजविरुद्ध जितका लागि नेपाललाई २०५ रनको लक्ष्य
- चार वर्षमा आगलागीबाट कर्णालीमा ५५ जनाको मृत्यु
- डेढ किलो सुन र एक करोड ४३ लाख नगदसहित सातजना पक्राउ
- कृषि मन्त्रालयका सहसचिव गैरे बर्खास्त
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
प्रतिकृया दिनुहोस