गाउँ सहर

गर्मी ह्वात्तै बढ्यो, जनजीवन प्रभावित

• गाउँ सहर संवाददाता
• १९ जेठ शुक्रबार, २०८० | १३:०५:०० मा प्रकाशित

काठमाडाैं । केही दिनयता देशको अधिकांश भू-भागमा गर्मी ह्वात्तै बढेको छ । तराइ  मधेशका सबैजसो जिल्लामा  सर्वसाधारण अत्यावश्यक काम बाहेक घर बाहिर निस्किन छाडेका छन् ।

मधेशमा गर्मीबाट बालबालिका र वृद्धवृद्धा बढी प्रभावित भएका छन् । अत्यधिक गर्मी बढेपछि जनजीवन प्रभावित बनेको छ । यसको असर सबैभन्दा बढी  विद्यालयमा परेको छ ।  अत्यधिक गर्मीका कारण पठनपाठनमा समस्या तथा विद्यार्थीको स्वास्थ्यमा गम्भिर असर पर्न सक्ने देखिएकोले पठनपाठन गर्न समस्या भएपछि तराइ  मधेशका सामुदायिक तथा निजी विद्यालय बन्द गर्न भालेका छन् । 

हाल देशमा  पश्चिमी  वायुका साथै स्थानीय वायुको आंशिक प्रभाव रहेको छ । कोशी, गण्डकी, कर्णाली र सुदूरपश्चिम प्रदेशका पहाड र तराइमा तापक्रम वढ्ने, साथै पहाडी भू-भागका ‍एक-दुई स्थानमा मेघ-गर्जन/चट्याङ्ग सहित  वर्षाको सम्भावना रहेकोले अत्याधिक गर्मी तथा मेघ-गर्जन/चट्याङ्ग बाट हुन सक्ने क्षति वा जोखिमबाट बच्न आवश्यक सतर्कता अपनाउन हुन जल तथा मौसम विज्ञान विभाग मौसम पूर्वानुमान महाशाखाको अनुरोध छ।