स्वास्थ्य

थप ७६ जनामा कोरोना संक्रमण पुष्टि

• गाउँ सहर संवाददाता
• २३ बैशाख शनिबार, २०८० | १५:५६:०० मा प्रकाशित

काठमाडौं । नेपालमा थप ७६ जनामा कोरोना संक्रमण पुष्टि भएको छ ।

पछिल्लो २४ घण्टामा एक हजार ६०३ वटा स्वाब नमुनाको परीक्षण गरिएकामा ७६ जनाको नतिजा पोजिटिभ आएको हो । ५५ नमुनाको पीसीआर परीक्षण गर्दा एक र एक हजार ५४८ नमुनाको एन्टिजेन विधिबाट परीक्षण गर्दा ७५ जनामा संक्रमण देखिएको हो ।

यो अवधिमा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण १२ हजार ३१ जनाको मृत्यु भएको छ ।

पछिल्लो २४ घण्टामा देशभर २६ जना निको भएका छन् । योसँगै नेपालमा कोरोनामुक्त हुनेको संख्या नौ लाख ९० हजार ९१४ पुगेको छ ।

हाल देशभर कोरोनाका सक्रिय संक्रमितको संख्या १३७ रहेको स्वास्थ्य तथा जनसंख्या मन्त्रालयले शनिबार जनाएको छ ।