स्वास्थ्य

पछिल्लो २४ घण्टामा थप ८२ जनामा कोभिड–१९ सङ्क्रमण पुष्टि, थप एक जनाको मृत्यु

• गाउँ सहर संवाददाता
• १३ बैशाख बुधबार, २०८० | १७:१०:०० मा प्रकाशित

काठमाडौं । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा थप ८२ जनामा कोभिड–१९ को सङ्क्रमण पुष्टि भएको र थप एक जनाको मृत्यु भएको छ । १ हजार ६३४ जनाको नमुना परीक्षण गर्दा पीसीआर विधिबाट ३७ तथा एन्टीजेन विधिबाट ४५ जनामा सङ्क्रमण पुष्टि भएको हो ।

थप एक जनाको मृत्यु भएसँगै कोभिड–१९ को सङ्क्रमणबाट ज्यान गुमाउनेको कुल सङ्ख्या १२ हजार २८ पुगेको छ । यही अवधिमा थप ६५ जना सङ्क्रमणमुक्त पनि बनेका छन् । हाल पीसीआर विधिबाट पुष्टि भएका सक्रिय सङ्क्रमितको सङ्ख्या ३ सय ६१ रहेको छ ।