स्वास्थ्य

पछिल्लो २४ घण्टामा थप ९९ जनामा कोरोना संक्रमण पुष्टि

• गाउँ सहर संवाददाता
• ३ बैशाख आइतबार, २०८० | १६:३०:०० मा प्रकाशित

काठमाडौं । पछिल्लो केही हप्तादेखि कोरोना संक्रमितहरुको संख्या बढिरहेको छ । स्वास्थ्य तथा जनसंख्या मन्त्रालयका अनुसार देशभर पछिल्लो २४ घण्टामा एक हजार ६०४ जनामा गरिएको नमुना परीक्षणमा थप ९९ जनामा कोरोना संक्रमण पुष्टि भएको छ । 

मन्त्रालयका अनुसार काठमाडौं उपत्यकामा ४ जना भेन्टिलेटरमा रहेका छन् । यस्तै संस्थागत आइसाेलेसनमा ३७, आईसीयुमा ११ जना रहेका छन् । मन्त्रालयका अनुसार नेपालमा हाल कोरोनाका ३७७ जना सक्रिय संक्रमित रहेका छन् । पछिल्लो २४ घण्टामा ५० जना कोरोनाबाट संक्रमण मुक्त भएका छन् ।

केही दिनयता नेपालमा दैनिक एक सयको हाराहारीमा संक्रमितहरू बढिरहेका छन् । कोरोना संक्रमण बढेसँगै कोरोनाविरुद्धको खोप लगाउनेहरु संख्या बढ्न थालेको छ ।