गाउँ सहर

नराम्रा पक्ष लुकाएर र दबाएर प्रहरीमा सुधार हुन्छ भन्ने विश्वास गर्दिनँ : आइजिपी कुँवर

• गाउँ सहर संवाददाता
• १२ चैत आइतबार, २०७९ | ११:५४:०० मा प्रकाशित

काठमाडौं । नेपाल प्रहरीका नवनियुक्त प्रहरी महानिरीक्षक (आइजिपी) बसन्तबहादुर कुँवरले आइतबार गृह मन्त्रालयमा दर्ज्यानी चिन्ह लगाएका छन्। गृह सचिव विनोदप्रकाश सिंहले उनलाई महानिरीक्षकको दर्ज्यानी चिन्ह लगाइदिएका हुन्।

उनले भने, प्रहरी कस्तो छ भनेर लुकाउनुपर्ने केही छैन, नेपाल प्रहरीमा पनि विभिन्न प्रकृतिका व्यक्तिहरू रहेकोले समाजमा देखिने राम्रा, नराम्रा, खराब र असल अनेक पात्रबाट प्रहरी पनि मुक्त छैन । नराम्रा पक्ष लुकाएर र दबाएर प्रहरीमा सुधार हुन्छ भन्ने विश्वास गर्दिनँ। प्रहरीमा सुधार आवश्यक छ अब त्यसको लागि दिन गनेर बस्ने छुट छैन।

संविधानले मार्ग निर्देशित गरेको काम र मानव अधिकारको प्रत्याभूति हुने गरी काम गर्ने पनि उनले बताए ।