यू–१७ महिला साफ च्याम्पियनसिपमा नेपालद्वारा भुटान पराजित
- गाउँ सहर संवाददाता
- ९ चैत बिहीबार, २०७९ | ०७:५८:०० मा प्रकाशित
काठमाडौं । यू–१७ महिला साफ च्याम्पियनसिपमा भुटानलाई ५–० गोलको नतिजामा पराजित गर्दै नेपालले पहिलो जित निकालेको छ ।
बङ्गलादेशको ढाकामा सम्पन्न खेलमा नेपाललाई जित दिलाउन वर्षा ओली र सेनु परियारले दुई–दुई गोल गरे । भने, दीपा रोकायाले एक गोल गरिन् ।
खेलको १६औँ मिनेटमा वर्षाको गोलमा नेपालले अग्रता लिएको थियो । दीपा रोकायाले ३०औँ मिनेटमा नेपालको अग्रता दोब्बर पारिन् । सेनु परियारले ३४औँ मिनेटमा गरेको गोलमा नेपालले अग्रता फराकिलो पारेको थियो ।
पहिलो हाफमा ३–० गोलको अग्रता बनाएको नेपालले दोस्रो हाफमा भुटानमाथि दुई गोल थप्यो । वर्षाले खेलको ५०औँ मिनेटमा व्यक्तिगत दोस्रो तथा टिमका लागि चौथो गोल गरिन् । सोनुले ५८औँ मिनेटमा पाँचौँ गोल गर्दै नेपालको जित ५–०ले सुनिश्चित गरेकी थिइन् ।
प्रतियोगिताको पहिलो खेलमा नेपाल भारतसँग ४–१ गोलको नतिजामा पराजित भएको थियो । प्रतियोगिताको तेस्रो खेलमा नेपालले रसियासँग १२ गते प्रतिस्पर्धा गर्नेछ । भने, लिग चरणको अन्तिम खेलमा १४ गते घरेलु टिम बङ्गलादेशको सामना गर्नेछ ।
नेपालसहित, भारत, बंगलादेश भुटान र रसियाको सहभागिता रहेको प्रतियोगितामा लिग चरण सकिँदा तालिकाको शीर्ष दुई टिमले फाइनल खेल्नेछन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस