अर्थतन्त्र

सिटिजन लाइफ इन्स्योरेन्सकाे पाँचौ वार्षिक साधारणसभाले आइपीओ निष्कासन प्रस्ताव पारित

• गाउँ सहर संवाददाता
• १६ माघ सोमबार, २०७९ | ०७:३२:०० मा प्रकाशित

काठमाडौं । सिटिजन लाइफ इन्स्योरेन्स कम्पनीले आइपीओ निष्कासन गर्ने भएकाे छ।

काठमाडाैँ ‍ठमेलस्थित छायादेवी कम्प्लेक्समा आइतबार सम्पन्न कम्पनीकाे पाँचौ वार्षिक साधारणसभाले प्रिमियम मूल्यमा आइपीओ निष्कासन प्रस्ताव पारित गरेकाे हाे।

कम्पनीका अध्यक्ष प्रदीपजङ्ग पाण्डेको प्रमुख अध्यक्षतामा सम्पन्न उक्त सभामा अघिल्लो आर्थिक वर्ष २०७७/७८ को वार्षिक प्रतिवेदन उपर छलफल गरी पारितसमेत गरिएकाे कम्पनीले जनाएकाे छ।

साथै, सोही‍ आर्थिक वर्षकाे असार मसान्तसम्मको वासलात, नाफा नोक्सान हिसाब, नगद प्रवाह जस्ता वित्तीय विवरणमाथि छलफल गरी पारित गरेको छ।

सभाले अध्यक्षको मन्तव्यसहित सञ्चालक समितिको आर्थिक वर्ष २०७७/०७८ को वार्षिक प्रतिवेदन उपर छलफल गरी पारित गरेको छ।

साथै, लेखापरीक्षकको प्रतिवेदनसहितको आर्थिक वर्ष २०७७/०७८ को वासलात, नाफा नोक्सान हिसाब, आय व्यय हिसाब, इक्यूटीमा भएको परिवर्तन सम्बन्धी विवरण तथा नगद प्रवाह विवरण र सोसँग सम्बन्धित अनुसूचीहरू सहितको वित्तीय विवरण छलफल गरी पारित गरेको छ।

सभाले कम्पनी ऐन, २०६३ को दफा ११३ बमोजिम कम्पनी रजिष्टारको कार्यालयबाट आर्थिक वर्ष २०७८/०७९ को लागि कम्पनीको लेखापरीक्षकमा जोशी एण्ड भण्डारी, चार्टर्ड एकाउन्टेन्टस् (वर्तमान लेखापरीक्षक)लाई गरिएको नियुक्ती अनुमोदन गरेको छ।