गाउँ सहर

गृहमन्त्री लामिछाने र अमेरिकी राजदूतबीच भेटवार्ता

• गाउँ सहर संवाददाता
• १० माघ मंगलबार, २०७९ | १४:२८:०० मा प्रकाशित

काठमाडाैं । नेपालका लागि अमेरिकी राजदूत डिन आर थम्पसनले उपप्रधानमन्त्री तथा गृहमन्त्री रवि लामिछानेबी भेटवार्ता भएको छ ।

गृहमन्त्रालयमा आज बिहान भएको भेटवार्तामा नेपाल र अमेरिकाबीचको सहकार्य र आपसी हित अभिवृद्धिलगायत विषयमा कुराकानी भएको थियो ।

नेपालको पूर्वाधार विकास, शैक्षिक तथा स्वास्थ्य क्षेत्रमा पहुँच अभवृद्धि, जलवायु परिवर्तनको असरबाट पर्ने प्रभाव न्यूनीकरण, ऊर्जाको विकास, प्रविधि हस्तान्तरणलगायत विषयमा अमेरिकी सरकारबाट हुँदै आएको सहयोगलाई निरन्तरता दिँदै अघि बढ्ने विषयमा छलफल भएको थियो ।

भेटवार्तामा राजदूत थम्सनसँगै नियोग उपप्रमुखलगायतका प्रतिनिधि, परराष्ट्र मन्त्रालय र गृहमन्त्रालयका अधिकारीहरू पनि पनि सहभागी थिए ।